Казанда Бөек Ватан сугышы вакытыннан калган снарядлар табылган
Казанның полиция хезмәткәрләре бакчачылык ширкәтләренең берсендә табылган снарядларны юкка чыгарды
(Казан, 16 сентябрь, «Татар-информ»). Казанның бакчачылык ширкәтендә артиллерия снарядлары табылган.
14 сентябрьдә иртән Казанның Иске Победилово бистәсендә бакчачылык ширкәтләренең берсендә Бөек Ватан сугышы чорыннан калган һәм нык күгәргән артиллерия снарядлары табылган.
Саперлар табылдыкны караганнан соң, снарядлар полигонда юк ителде, дип хәбәр итә ТР буенча ЭЭМ матбугат хезмәте.