Казанда Азнакай төбәгенә багышлап чыгарылган китаплар тәкъдим ителде
Бөтендөнья татар конгрессы башкарма комитеты җитәкчесе Ринат Закиров азнакайлылар эшчәнлегенә югары бәя бирде.
(Азнакай, 8 февраль, "Татар-информ", "Маяк", Резеда Шәрипова). Казанда Бөтендөнья татар конгрессында тарихчы-галимнәр, республика газета-журналлары хәбәрчеләре, төрле районнар вәкилләре катнашында Азнакай төбәгенә багышлап чыгарылган китапларны тәкъдим иттеләр. Бу турыда җирле басма яза.
Азнакай муниципаль районы башлыгы Марсель Шәйдуллин җитәкчелегендә районның күренекле шәхесләрен, бай тарихын чагылдырган әлеге китапларны иҗат итүгә үз өлешләрен кертүчеләрдән торган делегация бу юнәлештә җирлектә башкарылган эшләр белән таныштырдылар.
Бөтендөнья татар конгрессы Милли Шурасы рәисенең беренче урынбасары, Бөтендөнья татар конгрессы башкарма комитеты җитәкчесе Ринат Закиров азнакайлылар эшчәнлегенә югары бәя бирде һәм бу үрнәкне татарлар яши торган барлык төбәкләрдә дәвам итәргә кирәклеген әйтте.