Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда азан әйтү һәм Коръәнне көйләп уку буенча курслар башлана
28 октябрьдән башкалабызның «Рауза», «Гаилә» һәм «Казан нуры» мәчетләрендә азан әйтү һәм татар мәкаме белән Коръәнне көйләп уку буенча ике айлык курслар башланачак. Әлеге дәресләрдә тавыш кую, татар мәкаме үзенчәлекләрен үзләштерү, дөрес итеп азан әйтү һәм Коръән уку буенча гамәли күнекмәләр биреләчәк.
Дәресләр ике төркемдә алып барылачак: 8-14 яшьлек малайлар һәм 15 яшьтән өлкәнрәкләр өчен. Ерак районнарда яшәүчеләр өчен дистанцион рәвештә уку мөмкинлеге тудырыла. Дәресләрне «Рухи моң» иҗат берләшмәсе җитәкчесе, «Мөхәммәдия» мәдрәсәсен тәмамлаган Марсель Әхмәдуллин һәм нәшидләр башкаручы Марсель Вәгыйзов алып барачак.
Бер төркемдә бары 12 укучы гына шөгыльләнә ала. Курслар тәмамлангач 2024 ел ахырында имтиханны уңышлы тапшыручыларга сертификатлар тапшыру каралган. 2025 елда алар Ураза бәйрәме кысаларында узачак республикакүләм «Татар азаны» бәйгесендә катнашу хокукы алачак. Җиңүчеләрнең шулай ук телевизион тапшыруларда төшүе һәм республика мәчетләрендә азан әйтүе көтелә.
Кызыклы яңалыкларны күзәтеп бару өчен Телеграм-каналга язылыгыз