Казанда Айрат Хаматов призына бокс буенча XVI Бөтенроссия ярышлары узачак
Турнирда Татарстан, Чувашия, Мари Эл, Башкортстан, Киров, Свердловск, Мәскәү, Ульяновск, Самара өлкәләреннән 100ләп спортчы катнашачак.
Скопировать ссылку
(Казан, 1 октябрь, “Татар-информ”). 2 октябрьдән 6 октябрьгә кадәр Казанда Татарстанның атказанган спорт мастеры, дөнья чемпионы Айрат Хаматов призына “А” классында бокс буенча XVI Бөтенроссия ярышлары узачак. Бу хакта Татарстан Республикасы Спорт министрлыгы матбугат хезмәте хәбәр итә.
- Турнирда Татарстан, Чувашия, Мари Эл, Башкортстан, Киров, Свердловск, Мәскәү, Ульяновск, Самара өлкәләреннән 100ләп спортчы катнашачак.
Ярышлар 4, 5, 6 октябрь көннәрендә уздырыла:
3 октябрьдә 15.00 сәгатьтә - беренчел бокс ярышы. 18.00 сәгатьтә ярышларның ачылу тантанасы була.
4 октябрьдә 15.00 сәгатьтә - беренчел бокс ярышы.
5 октябрьдә 15. 00 сәгатьтә - ярымфинал ярышлары.
6 октябрьдә 16.00 сәгатьтә - финал көрәшләре.