Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда Аяз Гыйләҗевкә багышланган кичә узачак
Хәтер кичәсендә республиканың театр вәкилләре, язучылар һәм әдипнең гаиләсе катнашачак.
(Казан, 4 февраль, "Татар-информ"). 12 февральдә Г. Камал театрында Татарстанның халык язучысы Аяз Гыйләҗевкә багышланган хәтер кичәсе узачак. 90 еллыгы тулган көннәрдә әдипне искә алырга туганнары, дуслары, хезмәттәшләре һәм аның иҗатын яратучылар җыелачак.
Әдәби-музыкаль кичәне Г. Камал театры артистлары ачып җибәрә. Хореографик миниатюра артистлары очрашуга аерым төсмер бирәчәкләр. Аяз Гыйләҗевне якынннан белгән язучылар Рабит Батулла, Ркаил Зәйдулла һәм Миләүшә Хәбетдинова әдипнең иҗат һәм тормыш юлы турында сөйләячәкләр. Иҗади номерларны Казан һәм Әтнә театрлары коллективлары күрсәтәчәк, алар Аяз Гыйләҗев әсәрләре буенча куелган “Югалган көн”, “Әтәч менгән читәнгә” спектакльләреннән өзекләр тәкъдим итәчәкләр.
Концерт программасын Г.Камал театрының Фоат Әбүбәкеров җитәкчелегендәге орекстр чыгышы тәмамлаячак.
Күренекле татар прозаигы һәм драматургы Аяз Гыйләҗев 2002 елда вафат булды. Ул бай әдәби мирас калдырды: биш роман, 20гә якын повесть, ике әсәре өчен аңа Татарстан Республикасының Г.Тукай исемендәге дәүләт премиясе бирелде. Язучының 40тан артык пьесасы бүгенге көндә республика, Россия театрлары, шулай ук чит ил труппалары репертуарына кергән.
Кызыклы яңалыкларны күзәтеп бару өчен Телеграм-каналга язылыгыз