Авыл 12 декабрь 2014 12:45

Казанда авыл хуҗалыгы ярминкәләре уздырыла

Сәүдә рәтләре 7 махсуслаштырылган мәйданчыкта оештырыла

Скопировать ссылку

(Казан, 12 декабрь, «Татар-информ»). Иртәгә Казанда традицион авыл хуҗалыгы ярминкәләре уздырыла. Сәүдә рәтләре махсуслаштырылган 7 мәйданчыкта оештырыла, дип хәбәр итә ТР Авыл хуҗалыгы һәм азык-төлек министрлыгы матбугат хезмәте.

Совет районында “Казан” агросәнәгать паркында һәм Дәрвишләр бистәсендә арзан бәядән азык-төлек сатып алырга мөмкин булачак.

Яңа Савин районында Яңа Чишмә һәм Спас районнары предприятиеләре үз продукциясен тәкъдим итәчәк.

Авиатөзелеш районында Биектау муниципаль районы, Татарстан кулланучылар берлеге, “Ак Барс” ХК” ААҖ, “Ак Барс” кошчылык комплексының Лаеш филиалы, “Татплодоовощпром” ЯАҖ товар җитештерүчеләре сәүдә итәчәк.

Шулай ук Мәскәү, Киров районнарында да махсус мәйданчыкларда казанлыларга арзан бәядән азык-төлек тәкъдим ителәчәк.

Татарстан фермерлары продукциясен шулай ук Казанның Чехов базарыннан сатып алырга мөмкин булачак.

Сәхифәләр

Казанда авыл хуҗалыгы ярминкәләре уздырыла