Җәмгыять 31 март 2025 16:11

Казанда автобуслар экранында Җиңү көнендә котлаулар чыгачак

Скопировать ссылку

Казанның №2 Пассажир автотранспорт оешмасы 9 майга багышланган «Бөек Җиңүнең 80 еллыгына. Геройларга рәхмәт!» акциясе башлану турында хәбәр итте. Бу хакта «ПАТП №2» Телеграм-каналында хәбәр ителә.

Пассажирлардан килгән иң яхшы котлаулар 7, 8 һәм 9 май көннәрендә шәһәрдәге 100 автобусның медиаэкранында күрсәтеләчәк.

Казан халкы һәм кунаклар бу акциядә бушлай катнаша ала. Моның өчен Бөек Ватан сугышы ветераннары, махсус операциядә катнашучылар өчен котлау язарга яки сугыш вакытындагы гаилә тарихы белән бүлешергә кирәк. Текстка геройның фотосын да беркетергә була.

Котлаулар 30 апрельгә хәтле «Җиңү көне» билгесе белән media@kazan-patp2.ru почтасына кабул ителә.

Сәхифәләр

Казанда автобуслар экранында Җиңү көнендә котлаулар чыгачак