Казанда автобус тукталышка бәрелгән - фото
Һәлакәттә зыян күрүчеләр булмаган.
Скопировать ссылку
(Казан, 10 декабрь, «Татар-информ»). Казанда шәһәр автобусы тукталыш павильонын бәрдергән, дип хәбәр итә социаль челтәрләр кулланучылары.
Бу хәл кичә кич "Гоголь" тукталышында килеп чыккан. 89нчы маршрут автобусы йөртүчесе идарәне югалткан һәм тукталыш павильонын бәрдергән, дип хәбәр итә бу вакыйганың шаһитлары. Юл-транспорт һәлакәте нәтиҗәсендә зыян күрүчеләр булмаган.
