Казанда автобус шоферы белән пассажир сугышкан
Гадәттән тыш хәл кичә көндез Горький шоссесындагы җәмәгать транспорты тукталышында булган.
Скопировать ссылку
(Казан, 13 апрель, «Татар-информ»). Казанда автобус шоферы белән пассажир сугышкан. Автобус пассажирлары шуны мобиль телефоннарының камерасына төшереп, роликны социаль челтәрләргә урнаштырган.
Кадрлардан күренгәнчә, низаг ак футболка кигән ир-ат (мөгаен, автобус йөртүчедер) белән күн курткалы егет арасында чыккан. Шаһитлар социаль челтәрләрдә хәбәр иткәнчә, гадәттән тыш хәл кичә көндез Горький шоссесындагы җәмәгать транспорты тукталышында булган.
