news_header_top_970_100
news_header_bot_970_100

Казанда автобус катнашындагы юл-транспорт һәлакәте нәтиҗәсендә 4 кеше госпитализацияләнгән

Зыян күрүчеләрнең хәле уртача авырлыкта дип бәяләнә.

(Казан, 8 сентябрь, “Татар-информ”). Кичә, 7 нче сентябрь көне, Казанда Вишневский һәм Калинин урамнары чатында, маршрут автобусының баганага бәрелүе нәтиҗәсендә, юл-транспорт һәлакәте килеп чыга.

Авария нәтиҗәсендә, Казанның 7 нче шәһәр клиник хастаханәсенә 4 кеше госпитализацияләнә. Зыян күрүчеләрнең хәле уртача авырлыкта дип бәяләнә. Бу хакта ТР Сәламәтлек саклау министрлыгының рәсми сайтында хәбәр ителә.
 

Юл-транспорт һәлакәте урынына Казан шәһәренең Ашыгыч медицина ярдәме станциясенең 5 бригадасы һәм Республика катастрофалар медицинасы үзәгенең 1 бригидасы барган булган.
 

news_right_column_1_240_400
news_right_column_2_240_400
news_bot_970_100