Казанда автобус белән троллейбус бәрелешкән, зыян күрүчеләр бар
Скопировать ссылку
шаһитлар
Бүген Казанның Ямашев проспектында «Ак Барс Арена» каршында көндезге 12 сәгать тирәсендә юл-транспорт һәлакәте булды.
«Татар-информ»га вакыйга шаһитлары сөйләвенчә, автобус хәрәкәт иткән вакытта алда барган троллейбусның артына килеп бәрелгән. Юл-транспорт һәлакәте урынында төшерелгән фотоларда автобусның алгы пыяласының тулысынча ватылган булуы күренә.
Хәзерге вакытта бер зыян күрүче турында билгеле, ул – автобусның йөртүчесе. Авария турында тулырак мәгълүмат ачыклана.
