Казанда автобус белән бәрелешкән «Лада» шоферы һәлак булган
Һәлакәт Бертуган Касыймовлар урамында килеп чыккан.
Скопировать ссылку
(Казан, 22 март, «Татар-информ»). Казанда автобус белән бәрелешкән «Лада» шоферы һәлак булган. Бу хакта ТР буенча Эчке эшләр министрлыгының матбугат хезмәтендә хәбәр иттеләр.
Кичә кичке сәгать унда Бертуган Касыймовлар урамында юл-транспорт һәлакәте булган. Җиңел автомобиль йөртүче 42 яшьлек ир-ат зур тизлек белән каршы хәрәкәт юлына чыгып, «МАЗ» автобусы белән капма-каршы бәрелешкән.
Куркынычсызлык каешын эләктермәгән җиңел автомобиль хуҗасы алган җәрәхәтләрдән шунда ук үлә.