Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанда ашыгыч ярдәм машинасы катнашында булган юл һәлакәтендә бала зыян күргән
Казанда ашыгыч ярдәм машинасы катнашында булган юл-транспорт һәлакәте турында яңа мәгълүматлар билгеле булды. Исегезгә төшерик, авария бүген көндез Чистай – Декабристлар – Вахитов урамнары һәм Ибраһимов проспекты киселеше тирәсендә булды. Вакыйга нәтиҗәләре видеога эләккән.
«Татар-информ»га Эчке эшләр министрлыгының Татарстан буенча идарәсендә хәбәр итүләренчә, яшел утка баручы KIA машинасы йөртүчесе сигнализация кабызып барган Ford маркалы ашыгыч ярдәм машинасына юл бирмәгән. Нәтиҗәдә машиналар бәрелешкән. Юл-транспорт һәлакәтендә җиңел автомобильдәге 50 яшьлек пассажир хатын-кыз һәм 2025 елгы бала зыян күргән.
Татарстан Сәламәтлек саклау министрлыгында хәбәр итүләренчә, баланы Республика балалар клиник хастаханәсенә китергәннәр. Аның хәле тотрыклы, уртача авырлыкта дип бәяләнә. Балага барлык кирәкле медицина ярдәме күрсәтелә.
Моннан тыш, М.Н.Садыйков исемендәге 7нче шәһәр клиник хастаханәсе матбугат хезмәте агентлыкка хәбәр иткәнчә, зыян күргән хатын-кызга медицина ярдәме күрсәтелгән, аны амбулатор күзәтү астында өенә кайтарып җибәргәннәр.
Кызыклы яңалыкларны күзәтеп бару өчен Телеграм-каналга язылыгыз