Казанда апрель башыннан бирле беренче температура рекорды теркәлгән
Татарстан башкаласында апрель башыннан бирле беренче температура рекорды теркәлгән. Бу хакта ТР Гидрометеорология үзәге хәбәр итә.
1 апрельдә «Казан» метеостанциясендә термометр баганалары +15,2 градуска кадәр күтәрелгән.
Моңарчы ТР башкаласында язның икенче аеның беренче көне өчен һава температурасының абсолют максимумы «Казан» метеостанциясендә бер ел элек, 2025 елда, теркәлгән булган. Ул вакытта рекорд +14,8 градус тәшкил иткән.
Язның беренче аенда – 13, 14, 15, 16, 17, 18, 23, 25, 27 һәм 28 мартта Казанда ун температура рекорды теркәлде. Моннан тыш, 10 мартта 1908 елның температура антирекорды яңартылды.
Элегрәк «Татар-информ» хәбәр иткәнчә, Татарстанда апрель башы нормадан алты градуска җылырак булачак.