Мәдәният 13 октябрь 2009 16:51

Казанда Анна Ахматовага багышланган кичә узачак

16 октябрьдә А.М.Горькийның Әдәби-мемориаль музеенда шигырь һәм шагыйрьләрнең XIII Көзге балы оештырыла

Скопировать ссылку

(Казан, 13 октябрь, “Татар-информ”, Ләйсән Әсәдуллина). 16 октябрьдә А.М.Горькийның Әдәби-мемориаль музеенда шигырь һәм шагыйрьләрнең XIII Көзге балы оештырыла. Кичә ХХ гасырның күренекле шагыйрәсе Анна Ахматованың тууына 120 ел тулу уңаеннан үткәрелә.
Музейга килүче шагыйрьләр, шигырь сөючеләр игътибарына «Мин - сезнең тавышыгыз... Мин сезнең белән ахыргача» («Я голос ваш... я с вами до конца») исемле әдәби-музыкаль композиция тәкъдим ителәчәк. Очрашуда шагыйрә Анна Ахматова язмышы һәм иҗаты турында сөйләнеләчәк. Биредә, шагыйрәнең улы Лев Гумилев белән үзара мөнәсәбәтләренә дә игътибар биреләчәк.
Шигырь кичәсендә Казан шагыйрьләре Анна Ахматовага багышланган шигырьләрен укыячак. Шулай ук шагыйрьнең татар теленә тәрҗемә ителгән шигъри әсәрләре дә яңгыраячак. Билгеле булганча, Анна Ахматова иҗатына композиторларыбыз да еш мөрәҗәгать итә. Шуңа күрә кичә музыка белән үрелеп барачак. А.Горький исемендәге әдәби-мемориаль музееның әдәбият бүлегеннән алган хәбәргә күрә, очрашуны оштыручылар югары уку йортларында белем алучы шәкертләрне дә чакырган.

Сәхифәләр

Казанда Анна Ахматовага багышланган кичә узачак