Казанда Җәмигъ мәчете Кырлай паркы урынында төзеләчәк
Бу хакта «Татар-информ» агентлыгында матбугат конференциясендә билгеле булды.
Скопировать ссылку
Казанда Җәмигъ мәчетен Кырлай паркы урынында төзү карар ителгән. Бу хакта «Татар-информ» агентлыгында матбугат конференциясендә билгеле булды.
Җәмигъ мәчете кимендә 10 мең кеше сыйдырышлы зурлыкта булачак. Мәчеткә быел 20 майда беренче нигез ташы салу көтелә, көзен төзелеш эшләре башланачак.
Татарстан Президентының Казанда Җәмигъ мәчетен булдыру өчен җаваплы ярдәмчесе Камил Исхаков «Татар-информ» хәбәрчесенә Казанда Җәмигъ мәчете төзелешенә якынча өч еллап вакыт кирәк булачак, дип әйткән иде.