Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанда Альпарида эшләгән 21 яшьлек сатучыны ничек үтерүләре билгеле булды
Җинаятьче ир-атны алдагы көнне әнисе махсус интернаттан алып кайткан булган
(Казан, 29 август, «Татар-информ»). 26 августта Чуйков урамындагы Альпари кибетендә сатучы булып эшләгән 21 яшьлек кызга пычак белән кадаган 30 яшьлек ир-ат бу җинаятьне эшләр алдыннан махсус интернатта дәвалау узган булган, дип хәбәр итә Россия Тикшерү комитетының Татарстан Тикшерү идарәсе җитәкчесенең өлкән ярдәмчесе Андрей Шептицкий.
Искәртеп үтик: җомга 26 августта ир-ат Чуйков урамында Альпари кибетенә кергән һәм 21 яшьлек сатучы кызга пычак белән кадаган. Сатучы алган тән җәрәхәтеннән үлгән. Тикшерү комитеты "Үтерү" маддәсе буенча җинаять эше кузгаткан.
Ачыкланганча, ир-атның туган көнен бәйрәм итү өчен әнисе аны махсус интернаттан алып кайткан. Шаһитлар сүзләренчә, ир-ат кибеткә кырыну өчен крем алырга кергән, әмма акчасы булмаган.
Кыска вакыт эчендә ул берничә тапкыр кибеткә кереп чыккан. Сатучылар ярдәм кирәкмиме дип кызыксынганнар. Шул вакытта ир-ат пычак белән сатучы кызга кадаган.
Хәзер ир-ат кулга алынган. Якын арада аңа карата психолог-психиатр экспертизасы билгеләнәчәк. Аның нәтиҗәләре буенча җинаять эшен гаепләү яки мәҗбүри дәвалау турындагы карар белән судка җибәрү турында карар кабул ителәчәк.
(Гөлүзә Василова әзерләде).
Кызыклы яңалыкларны күзәтеп бару өчен Телеграм-каналга язылыгыз