Казанда Ак мәчет территориясен төзекләндерәчәкләр
Скопировать ссылку
Казанда Ак мәчеткә яктырту урнаштырачаклар. Шулай ук территорияне төзекләндерү һәм бинага инженерлык коммуникацияләре үткәрү планлаштырыла. Проект тарихи-мәдәни экспертизаның уңай бәяләмәсен алырга тиеш, дип хәбәр итә ТР Мәдәни мирас объектларын саклау комитеты.
Күптән түгел, октябрь уртасында, Кызыл Татарстан урамында урнашкан гыйбадәт йорты ишекләрен ачты. Белгечләр аның тарихи йөзен торгызганнар.
Документ нигезендә, бинаны һәм аның тирәсендәге территорияне яңарту дәвам итәчәк. Тышкы коммуникацияләр: суүткәргеч, канализация, электр челтәрләре, газ белән тәэмин итү, җылылык челтәрләре салу планлаштырыла. Шулай ук түбә уртасында урнашкан манарада архитектур яктырткыч барлыкка киләчәк.