Икътисад 15 апрель 2022 10:54

Казанда АИ-92, АИ-95 маркалы бензин һәм дизель ягулыгы арзанайган

Скопировать ссылку

Узган атнада Казанда АИ-92 һәм АИ-95 маркалы бензин арзанайган. Татарстанстатта исәпләп чыгаруларынча, 1-8 апрельдә шулай ук дизель ягулыгының да уртача бәясе кимегән.

Статистик ведомство мәгълүматлары буенча, әлеге чорда АИ-92 маркалы бензинның литры - 14, АИ-95нең 16 тиенгә арзанайган. Хәзер әлеге маркалардагы мотор ягулыгы 46 һәм 49,7 сум тора.

Дизель ягулыгы шул ук чорда 22 тиенгә очсызракка сатылган, хәзер аның бәясе 51,6 сум тәшкил итә.

АИ-98 маркалы бензинның уртача бәясе бер атна эчендә үзгәрешсез калган. Аның литры 59 сум тора.

Россиядә ел ярым эчендә беренче тапкыр мотор ягулыгы бәяләренең кимү тенденциясе күзәтелүе хакында элегрәк хәбәр ителгән иде. «Татар-информ» агентлыгы сораштырган экспертлар Татарстан заправкаларындагы бәяләрнең нинди булачагын фаразлады.

#бензин

Сәхифәләр

Казанда АИ-92, АИ-95 маркалы бензин һәм дизель ягулыгы арзанайган