Хәвеф-хәтәр 30 декабрь 2018 16:30

Казанда 92 яшьлек әбине газ счетчигы куябыз дип алдаганнар

7 мең сум акчасын ялган газ хезмәткәренә биргән әби полициягә мөрәҗәгать иткән.

Скопировать ссылку

(Казан, 30 декабрь, “Татар-информ”). Казанда ялган газ хезмәткәре 92 яшьлек әбине алдаган. Бу хакта “Татар-информ”га Россия Эчке эшләр министрлыгының Татарстан буенча матбугат хезмәтендә хәбәр иттеләр.

“27 декабрьдә Казанның "Савиново" полиция бүлегенә мошенниклык турында гариза белән 92 яшьлек әби мөрәҗәгать иткән”, - дип сөйләделәр ведомство матбугат хезмәтендә.

Ул өенә таныш түгел ир-ат килүен һәм үзен газ хезмәткәре дип таныштыруын әйткән.

Алдакчы ир-ат пенсионерга газ счетчигы урнаштырырга кирәклеген әйткән һәм шуңа ышанган әбидән 7 мең сум акча алган.

“Мошенниклык” маддәсе нигезендә җинаять эше кузгатылган.

#мошенник #алдау

Сәхифәләр

Казанда 92 яшьлек әбине газ счетчигы куябыз дип алдаганнар