Фән һәм мәгариф 25 июль 2017 14:39

Казанда 9 укучы аттестатсыз калган

Математика фәненнән имтихан бирә алмаучыларны сентябрьдә сынау көтә.

Скопировать ссылку

(Казан, 25 июль, "Татар-информ", Гөлнар Гарифуллина). Казанда быел 9 укучы аттестатсыз калган. Бу хакта бүген Татарстан Министрлар Кабинетында узган брифингта билгеле булды.

Гомуми урта белем турында документтан республика буенча барлыгы 14 кеше мәхрүм калган. Былтыр мондый 31 бала булган. Шул рәвешле, аттестат алмаган укучылар өлеше 0,2 дән 0,09 процентка кадәр кимегән. Андыйларны бөтенләй мөмкинлексез калдырмыйлар: сентябрьдә алар математика буенча белемнәрен яңадан сынап карый алачак.

Аттестат алмаучыларның күбесе Казанда яши. Вахитов һәм Идел буе районында – 5, Авиатөзелеш һәм Яңа Савин районнарында – 3, Совет районында 1 укучы. Яңа Чишмә, Әлки, Яшел Үзән районнарында берәр укучы мәктәптән документ белән чыгу бәхетенә ирешә алмаган.

Министр аттестатсыз калучыларның елдан-ел кимүен билгеләп узды. 2013 елда “кара” исемлектә – 110, 2014 елда – 151, 2015 елда – 138, 2016 елда 31 укучы булган.

#Аттестат #имтихан

Сәхифәләр

Казанда 9 укучы аттестатсыз калган