Җәмгыять 29 гыйнвар 2010 15:21

Казанда 6 меңнән артык кешедә грипп һәм ОРВИ теркәлә

Бу атнада республикабызда кискен тын юллары инфекцияләре белән 12 мең 298 кеше йогышланган

Скопировать ссылку

(Казан, 29 гыйнвар, “Татар-информ”). Бу атнада республикабызда кискен тын юллары инфекцияләре белән 12 мең 298 кеше йогышланган. Авырулар саны күрсәткече 10 мең кешегә 46,8не тәшкил иткән. Узган атна белән чагыштырганда, ОРВИ йоктырган кешеләр саны 13,1 процентка арткан.
Казанда 7240 кешедә йогышлы авырулар күзәтелгән. Шул исәптән 6556 кеше грипп һәм ОРВИ белән авырган. Бу, узган атна белән чагыштырганда, 5,1-5,9 процентка күбрәк. Әлеге мәгълүматны кулланучылар хокукларын яклау һәм кеше иминлеге өлкәсендә күзәтчелек итү Федераль хезмәтенең Татарстандагы Идарәсе матбугат хезмәте җиткерә.

Сәхифәләр

Казанда 6 меңнән артык кешедә грипп һәм ОРВИ теркәлә