Казанда 4 ноябрьдән Кемерово курчак театры гастрольләре башлана

Гастрольләр Татарстан Республикасы һәм Кемерово өлкәсе арасында төзелгән хезмәттәшлек турында килешү кысаларында үткәрелә.

Скопировать ссылку

(Казан, 2 ноябрь, «Татар-информ»). Казанга Кемерово курчак театры килергә җыена. Аркадий Гайдар исемендәге Кузбасс курчак театры 4-7 ноябрь көннәрендә безнең сәхнәдә өч спектаклен күрсәтә, дип хәбәр итә «Экият» татар дәүләт курчак театрының матбугат үзәге.

Кемерово театры Казан тамашачысына «Заколдованный лес», «По щучьему велению» һәм «Золотой цыпленок» курчак спектакльләрен алып килә.

«Әкият» татар дәүләт курчак театры апрель аенда Кемеровода гастрольләрдә булды инде. Артистлар Адель Хәеровның «Өч кыз», Зиннур Хөснияр инсценировкасы буенча «Су анасы» һәм Борис Вайнер инсценировкасы буенча «Цветик-семицветик» әкиятләрен алып барды.

Сәхифәләр

Казанда 4 ноябрьдән Кемерово курчак театры гастрольләре башлана