Дин 11 май 2010 18:23

Казанда 27-28 майда мөселман массакүләм мәгълүмат чараларының өченче фестивале уза

Фестиваль кысаларында 10 номинация буенча “Каләм” бәйгесе һәм югары әзерлекле белгечләр тарафыннан остаз мәктәпләрен оештыру көтелә

Скопировать ссылку

(Казан, 11 май, “Татар-информ”). Казанда 27-28 майда мөселман массакүләм мәгълүмат чараларының өченче фестивале уза. Фестивальне ТР мөселманнары Диния нәзарәте Ислам мәдәнияты, фәне һәм мәгарифенә булышлык итү фонды белән берлектә уздыра. Фестивальнең мәгълүмати партнеры – Татарстан Республикасының “Татмедиа” масакүләм коммуникацияләр агентлыгы.
Фестиваль кысаларында мөселман журналистларының икенче бөтенроссия конференциясен үткәрү көтелә. Анда Россиянең төрле төбәкләреннән әйдәп баручы мөселман журналистлары катнаша. Шулай ук 10 номинация буенча “Каләм” бәйгесе һәм югары әзерлекле белгечләр тарафыннан остаз мәктәпләрен оештыру көтелә.
Мөселман журналистлары арасында уза торган “Каләм” бәйгесенә 2008 елның ноябрь аеннан бүгенге көнгә кадәр вакытлы матбугатта, интернетта чыккан, телерадиоэфирда дөнья күргән, аерым китап итеп бастырылган татар һәм рус телләрендәге журналист материаллары тәкъдим ителә ала. Материаллар 2010 елның 26 маеннан да соңга калмыйча, махсус комиссия тарафыннан карап бәяләнә.

Сәхифәләр

Казанда 27-28 майда мөселман массакүләм мәгълүмат чараларының өченче фестивале уза