Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда 24 яшьлек егет һәм кызның үле гәүдәләре табылган
Әлеге факт буенча җинаять эше кузгатылган
(Казан, 7 ноябрь, “Татар-информ”). 2014 нче елның 6 нчы ноябре кичендә Казан шәһәрендә Вишневский урамы буенча йортта югарыдан егылып төшкән 24 яшьлек хатын-кыз гәүдәсе табылган. Моннан тыш, йортның 7 нче катында гомуми кулланылыштагы балконда муенына пычак кадалган 24 яшьлек ир-ат гәүдәсенә тап булганнар. Әлеге факт буенча Россия Федерациясе Тикшерү комитетының Татарстан Республикасы буенча тикшерү органнары тарафыннан РФ Җинаять кодексының 105 нче маддәсенең 1 нче часте (үтерү) буенча җинаять эше кузгатылган.
Башлангыч фаразга караганда, ир-ат йөргән кызы янына кунакка килә, алар арасында тавыш чыга, аннан соң икесе дә балконга чыга. Монда ханым дустына пычак чәнчи, аннан үзе 14 нче катка менеп, аска сикерә.
Хәзерге вакытта фаҗиганең барлык нечкәлекләрен ачыклауга юнәлдерелгән тикшерү гамәлләре үткәрелә. Җинаять эшен тикшерү дәвам итә. Бу хакта Россия Тикшерү комитетының ТР буенча идарәсе җитәкчесенең өлкән ярдәмчесе хәбәр итә.
Кызыклы яңалыкларны күзәтеп бару өчен Телеграм-каналга язылыгыз