Казанда 21 яшьлек кыз ут капкан фатирдан сикереп һәлак булган
Фаҗига иртән иртүк Завойский урамында булган.
Скопировать ссылку
(Казан, 19 ноябрь, «Татар-информ», Полина Шевчук). Казанда 21 яшьлек кыз ут капкан фатирдан сикереп һәлак булган. Бу хакта «Татар-информ» агентлыгына фаҗигане күргән кешеләр хәбәр итте.
Кызның, йокы бүлмәсендә янгын чыкканын күргәч, каушап калуы һәм тәрәзәдән сикерүе дә ихтимал. Шаһитлар аның исерек булуын да әйтә.
«Татар-информ» агентлыгы бүген иртән Завойский урамындагы күп катлы йортта янгын чыгуы хакында хәбәр иткән иде. Нәтиҗәдә, 21 яшьлек кыз һәлак булган. Янгын сүндерүчеләр йортта яшәүче тагын өч кешене коткарган, 20 кеше урамга үзләре чыккан.