Дин 26 ноябрь 2009 12:05

Казанда “2009 ел мөслимә туташы” бәйгесе 23 декабрьдә уза

Конкурста кияүдә булмаган, актив, акыллы, Ислам динен тотучы, милли гореф-гадәтләрне, милли аш-су төрләрен әзерли һәм кичектергесез медицина ярдәмен күрсәтә белгән, флористика серләренә төшенгән, милли төсмердәге киемнәрне тәкъдим итә алган кызлар катнашу

Скопировать ссылку

(Казан, 26 ноябрь, “Татар-информ”, Римма Гатина). ТР Мөслимәләр берлеге Татар дәүләт гуманитар-педагогика университеты һәм Ислам фәнен, мәдәниятын һәм мәгарифен үстерү фонды белән берлектә оештырылган “2009 ел мөслимә туташы” бәйгесендә катнашырга чакыра. Конкурс ТДГПУда 23 декабрьдә 18-25 яшьлек мөслимә туташлар арасында үтәчәк.
Оештыру комитетыннан алынган хәбәрләргә караганда, бәйгенең республиканың хатын-кызлар хәрәкәтен үстерү, әхлакый кыйммәтләрне пропагандалау, сафлык-пакълык, мөслимәнең максатчанлыгы турында җәмәгатьчелек фикерен формалаштыру, татар халкының элек-электән килгән гореф-гадәтләрен торгызу, гаилә мөнәсәбәтләренә өйрәтүдә булышлык итү һ.б. максатларны күз алдында тота.
Конкурста кияүдә булмаган, актив, акыллы, Ислам динен тотучы, милли гореф-гадәтләрне, милли аш-су төрләрен әзерли һәм кичектергесез медицина ярдәмен күрсәтә белгән, флористика серләренә төшенгән, милли төсмердәге киемнәрне тәкъдим итә алган кызлар катнашу мөмкинлегенә ия.

Сәхифәләр

Казанда “2009 ел мөслимә туташы” бәйгесе 23 декабрьдә уза