Хәвеф-хәтәр 12 сентябрь 2018 15:05

Казанда 150 мең кеше авария аркасында сусыз калган

Халыкка авария турында хәбәр иткәннәр, шулай ук берничә урынга су цистерналары куелган.

Скопировать ссылку

(Казан, 12 сентябрь, «Татар-информ»). Казанның Көнчыгыш суүткәргеч узелында кабель өзелү аркасында ут беткән. Нәтиҗәдә шәһәрнең Совет районында яшәүче 150 меңгә якын кеше (шуларның 1,6 меңе - балалар) сусыз калган. Бу хакта Гадәттән тыш хәлләр министрлыгының Татарстан буенча Баш идарәсенә сылтама ясап, РИА Новости агентлыгы хәбәр итә.

«12.20 сәгатьтә Казан шәһәренең бердәм кизү-диспетчерлык хезмәте диспетчерыннан Аграр һәм Җиһанов урамнары чатында электр кабеле өзелүе хакында хәбәр килде. Авария нәтиҗәсендә Казанның Көнчыгыш суүткәргеч узелында ут беткән», - диелә хәбәрдә.

Гадәттән тыш хәлләр министрлыгы мәгълүматлары буенча, Казанның Совет районында урнашкан 340 күпфатирлы торак йорт, 860 шәхси торак йорт, 124 административ бина, 24 балалар бакчасы, 8 мәктәп, ике кунакханә һәм өч котельный салкын сусыз калган.

Урынга Казан янгын-коткару гарнизонының оператив төркеме юл тоткан. Халыкка авария турында хәбәр иткәннәр, шулай ук берничә урынга су цистерналары куелган.

#сусыз калу #су бетү #авария #электр кабеле өзелүе

Сәхифәләр

Казанда 150 мең кеше авария аркасында сусыз калган