Казанда 15 нче шәһәр автобусы хәрәкәт вакытында төтенли башлады
Автобус йөртүче хәрәкәтен туктатты, пассажирларын чыгарды.
Скопировать ссылку
(Казан, 30 июнь, «Татар-информ», Гөлнар Гарифуллина). Бүген иртән Декабристлар урамында «Энергетик университет» тукталышы янында 15 нче автобусның түбәсеннән арткы торбадан куе төтен чыга башлады.
Автобус йөртүче хәрәкәтен туктатты, пассажирларын чыгарды. Вакыйга урынына Юл хәрәкәте иминлеге дәүләт инспекциясе хезмәткәрләре килде.