Казанда 15 гыйнварда Вахитов районының кайбер урамнарында хәрәкәт вакытлыча чикләнәчәк
Скопировать ссылку
Казанда 15 гыйнварда РФ Тикшерү комитетының ТР буенча тикшерү идарәсе коллегиясен әзерләү һәм уздыру сәбәпле, Вахитов районының кайбер урамнарында транспорт хәрәкәтен өлешчә чикләячәкләр.
Башкарма комитетның карары ТР хокукый мәгълүмат рәсми порталында урнаштырылган.
Хәрәкәт Пушкин, Театр һәм Карл Маркс урамнары участокларында чикләнәчәк.
10:00 сәгатьтән 15:00 сәгатькә кадәр түбәндәге участокларда хәрәкәтне вакытлыча туктатачаклар:
- Пушкин урамы, Карл Маркс урамыннан алып Зур Кызыл урамына кадәр участок (ике юнәлештә дә);
- Театр урамы, Карл Маркс урамыннан алып Зур Кызыл урамына кадәр участок (ике юнәлештә дә).
Шулай ук Карл Маркс урамында Пушкин урамыннан Театр урамына кадәрге участокта урнашкан парковка ябык булачак.