Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Казанда 11 кешене бәрдергән такси йөртүчегә карата хөкем карары игълан ителде
Вахитов районы судында такси йөртүче Евгений Крусевка карата хөкем карары игълан ителде. Узган елның 10 мартында аның гаебе нәтиҗәсендә зур юл-транспорт һәлакәте булды. Ир-ат туктап торган автобус белән автобус тукталышы арасыннан узмакчы булды һәм автобустан төшүче кешеләрне бәрдерде. Тикшерү версиясенә караганда, Крусев наркотиклар кулланган булган. Юл һәлакәте нәтиҗәсендә 11 кеше төрле дәрәҗәдәге җәрәхәтләр алды.
Суд Крусевны гаепле дип таныды һәм аны 4 ел һәм 1 айга колониягә җибәрде. Шулай ук ир-ат 2 ел һәм 10 айга транспорт чаралары белән идарә итүгә бәйле эшчәнлек белән шөгыльләнү хокукыннан мәхрүм ителде.
Крусев үзе юл һәлакәте вакытында аңын югалтуы турында сөйләгән. Аның сүзләренчә, анда алкоголизм фонында эпилепсия башланган. Крусев гаебен өлешчә таныган. Шулай ук ул такси хезмәтендә эшләү өчен таләп ителгән медицина тикшерүләрен узу турында ялган белешмәләр ясатуын да таныган. Ир-ат белешмәләрне 20-25 мең сумга ясатуы турында әйткән. Ялган документлар ясатуының сәбәбен ул наркотиклар кулланганга күрә анализлар тапшырырга куркуы белән аңлаткан.
Кызыклы яңалыкларны күзәтеп бару өчен Телеграм-каналга язылыгыз