Казанда 10 ел эчендә иң түбән рекордлы һава температурасы теркәлгән
Узган төндә һава температурасы 23,5 градуска кадәр төшкән.
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
(Казан, 26 февраль, “Татар-информ”). Узган төндә Казанда унъеллык температура рекорды куелган. Бу хакта Казан мэриясе матбугат хезмәте хәбәр итә.
25нән 26 февраль төненә Татарстан башкаласында һава температурасы 23,5 градуска кадәр төшкән. Казан федераль университеты метеостанциясе шулай теркәгән.
Казанда 26 февральдән салкынрак көн бары 2007 елда — термометр баганасы 26 градус салкынны күрсәткәндә булган.
“Температура уртача тәүлек температураcыннан 10 градуска түбән”, — дип җиткерә КФУның Экология һәм табигый байлыклардан файдалану институтының метеорология, климатология һәм атмосфера экологиясе кафедрасы җитәкчесе Юрий Переведенцев.
Салкынаю Атлантикадан җылы һава агымын җибәрмәүче антициклон белән бәйле, дип билгеләп үтә эксперт. Салкыннар атна ахырына кадәр дәвам итәчәк, дип җиткерә КФУ матбугат үзәге.