Казан зоопаркының яңа өлеше август ахырында ачылачак
Иганә акчаларына “Замбези елгасы” өчен 167 Африка җәнлеге, шул исәптән арыслан, гамадрил һәм страуслар сатып алганнар.
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
(Казан, 17 июнь, “Татар-информ”, Динара Прокопьева). Казан зооботаника бакчасының “Замбези елгасы” дип аталган яңа өлеше август азагында ачылачак. Бу хакта Казан мэриясенең матбугат хезмәтендә хәбәр иттеләр.
“Замбези елгасы”н ачу август азагына планлаштырыла. Ә 2021 елга кадәр барлык җәнлекләрне кайтару һәм зоопарк территориясендәге бөтен читлекләрне дә тутырып бетерү планлаштырыла”, - диелә хәбәрдә.
“Иганә акчаларына "Замбези елгасы” өчен 167 Африка хайваны, шул исәптән арысланнар, гамадриллар, страуслар сатып алганнар. Әлегә алар иске зоопарк территориясендә яши. Ә яңа читлекләргә объектларны тулысынча тапшыргач күчәчәкләр.
Быелның көзендә “Замбези елгасы” зебралар, гепардлар, лемурлар, фламинго һәм башка җәнлекләр белән тулыланачак.