Казан зоопаркында барс үлгән
12 яшьлек Тамерланны зоопаркка Татарстанның беренче президенты Минтимер Шәймиев бүләк иткән иде.
Скопировать ссылку
(Казань, 2 март, «Татар-информ», Айгөл Мотыйгуллина). Казан зооботаника бакчасында Татарстанның беренче президенты Минтимер Шәймиев бүләк иткән барс үлгән. Әлеге хәбәрне зоопаркның матбугат хезмәте дә раслады.
12 яшьлек Тамерланда онкологик авыру булган. Ул 23 февральдә зоопаркка килүчеләр күз каршында җан биргән.
"Бу безнең өчен зур югалту, – ди барсның үлемен Казан зооботаника бакчасы җәмәгатьчелек белән элемтә белгече Энҗе Галиәхмәтова. – Ул бездә озак вакыт яшәде, барыбыз да кайгыра, шуңа да икенче барс алу мәсьәләсе әлегә каралмый".