Казан зоопаркы 21 майда ачылачак
Зоопаркның иске һәм яңа территориясе 8.30 сәгатьтән 19.00 сәгатькә кадәр эшләячәк.
Скопировать ссылку
(Казан, 20 май, «Татар-информ»). Иртәгә, 21 майда, «Африка. Замбези елгасы» һәм «Казан зооботаника бакчасы» иске территория янә ачылачак. Бу хакта Инстаграмда зоопаркның рәсми аккаунтында хәбәр иттеләр.
«Иртәгәдән 8.30 сәгатьтән 19.00 сәгатькә кадәр эшлибез. Бу расписание ике территориядә дә гамәлдә», диелә хәбәрдә.
«Африка. Замбези елгасы» зоопаркы территориясенә керү өчен өлкәннәр 300 сумга (иске территориягә — 200 сум) билет сатып ала, ә өч яшьтән 14 яшькә кадәр балалар өчен 150 сум (иске территория — 100 сум) түләргә кирәк булачак. Шулай ук ташламалы категорияләр дә каралган.