Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казан Зооботаника бакчасы физик мөмкинлекләре чикле балалар өчен Чыршы бәйрәме уздыра
Ул экологик тернәкләндерү программасы кысаларында гамәлгә ашырыла
(Казан, 25 декабрь, “Татар-информ”, Миләүшә Низаметдинова). Казанның Чуйков урамында урнашкан дәвалау үзәгендәге психоневрологик авыру буенча инвалид булган кечкенә пациентлар өчен бүген башланып киткән Яңа ел Чыршы бәйрәмендә Зооботаника бакчасының “Җәнлекләр - әкият геройлары” күчмә төркеме дә катнаша. Кыш бабай белән Кар кызы исә балаларның күңелен ачып, Яңа ел күчтәнәчләре таратачак (бүләкләрне 2 шәхси оешма әзерләгән).
Бәйрәм программасында, шулай ук, кыш ел фасылына багышланган кул эшләнмәләре конкурсында җиңүчеләрне бүләкләү, ташбаканың туган көнен уздыру да каралган. Балаларның “Зоологик почмагында” 2 ташбака, балыклар яши, сабыйлар исә, табиплар һәм ата-аналары белән, тернәкләнү һәм үсеш бәрабәренә бик тырыша. Әмма телевизион тапшырулар аша, рәсемнәр буенча гына тереклек ияләрен өйрәнү алар өчен бик аз. Шуңа күрә, бүгенге Чыршы бәйрәме алар өчен үтә үзенчәлекле булачак, дип саныйлар Зооботаника бакчасы хезмәткәрләре.
Казан Зооботаника бакчасыннан алынган мәгълүматта әйтелгәнчә, инвалид, ятим булган балалар төркемнәре һәм аларны озата килгән олылар өчен бу атна дәвамында (21-27 декабрьдә) экскурсияләр һәм әлеге бакча дөньясын тамаша кылу бушлай башкарыла.
Кызыклы яңалыкларны күзәтеп бару өчен Телеграм-каналга язылыгыз