Казан үзәгендә Университет урамындагы бинада янгын чыккан
Узган елның көзендә шушы ук йортта чыккан янгын аркасында 30 кешене эвакуацияләгәннәр иде.
(Казан, 27 гыйнвар, «Татар-информ»). Казан үзәгендә Университет урамындагы йортта янгын чыккан. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.
Бүген 9.45 сәгатьтә Гадәттән тыш хәлләр министрлыгына 22нче йорттан төтен чыгуы турында хәбәр килгән.
Урынга килгән янгын сүндерүчеләр административ бина түбәсендә кулланылмый торган түбә җылыткычының янып китүен ачыклый.
Янгын сүндерүчеләр берничә минут эчендә 4 квадрат метр мәйданда утны сүндергән. Нәтиҗәдә, бер кеше дә зыян күрмәгән, дүрт эшче бинадан үзе чыккан.
Узган елның көзендә шушы ук йортта чыккан янгын аркасында 30 кешене эвакуацияләгәннәр иде.
