Казан үзәгендә «ТапТакси» автомобиленә ут капкан
Юл-транспорт һәлакәте Татарстан урамында булды.
Скопировать ссылку
(Казан, 7 апрель, «Татар-информ»). Казан үзәгендә «ТапТакси» автомобиле яна башлаган. Бу хакта социаль челтәрдән файдаланучылар хәбәр итте.
«Иртәнге сәгать сигездә шәһәр үзәгендә «Хендэ» такси машинасының мотор бүлеге яна башлаган. Бу хәл Татарстан урамындагы 9нчы номерлы йорт каршында булган», – дип төгәлләштерделәр мәгълүматны Россия Гадәттән тыш хәлләр министрлыгының Татарстан буенча Баш идарәсендә.
Урынга икенче номерлы янгын сүндерүчеләре килде. Нәтиҗәдә, бер кеше дә зыян күрмәде, диделәр министрлык Баш идарәсендә.
