Казан үзәгендә “КАМАЗ” тәгәрмәче җиңел машинаны җимергән
Кичә төнлә Вишневский урамында җиңел машинаның алгы тәрәзәсе ватылган, капоты сытылган.
Скопировать ссылку
(Казан, 27 гыйнвар, “Татар-информ”). Казан үзәгендә “КАМАЗ”-миксерның өзелеп төшкән тәгәрмәче бәрелеп, җиңел машинаны җимергән. Бу хакта шаһитлар социаль челтәрләрдә хәбәр итә.
Әлеге хәл кичә төнлә башкаланың Вахитов районында Вишневский урамында булган. Өзелеп төшкән тәгәрмәч каршыга килүче җиңел машинага килеп бәрелгән. Нәтиҗәдә, җиңел машинаның алгы тәрәзәсе ватылган, капоты сытылган.
Автомобильдә зыян күрүчеләр турында хәбәр ителми.
