news_header_top_970_100
16+
news_header_bot_970_100

Казан юлларында тоткарлыклар ун баллга җитте

Көчле кар яву Татарстан башкаласында юллар торышын катлауландырды.

(Казан, 24 гыйнвар, “Татар-информ”). Казан юлларында машиналар тоткарлыгы ун баллга җитте . Әлеге мәгълүматны “Яндекс. "Бөкеләр” сервисы җиткерә.

Көчле кар яву Татарстан башкаласы юлларында хәлне  гаять катлауландырды.

Иң зур "бөке" - Җиңү проспектында. Проспектта юл хәрәкәте метроның Җиңү станциясеннән Академик Арбузов урамына кадәр бик акрын бара. Җитди тоткарлыклар Гадел Кутуй, Кол Гали һәм Рихард Зорге урамнарында да күзәтелә.

"Яндекс" шулай ук шәһәрдә кимендә сигез юл-транспорт һәлакәте булганлыгын күрсәтә.
 

autoscroll_news_right_240_400_1
autoscroll_news_right_240_400_2
news_bot_970_100