Казан юлларын чистарту өчен яңа техника сатып алыначак
«Бу җитди тема, аны бергәләп хәл итәчәкбез», — диде Татарстан Президенты.
Скопировать ссылку
(Казан, 24 февраль, «Татар-информ», Гөлнар Гарифуллина). Татарстан Президенты Рөстәм Миңнеханов Казан юлларын чистарту өчен яңа техника сатып алыначагын әйтте.
«Карар кабул ителде, техника сатып алачакбыз, күбрәген шәһәр читенә җибәрәбез. Бюджет мөмкинлекләреннән чыгып, урамнарны чистартуда ничек ярдәм итә алуыбызны уйладык. Чынлыкта, бу җитди тема, аны бергәләп хәл итәчәкбез», — диде Президент шәһәр думасы сессиясендә.
Ул Мәскәүнең дә юлларда кар чистарту проблемасы белән очрашканын искәртте. «Җәяү дә йөрдем, машинада да, Мәскәү дә бу каршылыкларга әзер булмаган», — диде.