news_header_top_970_100
news_header_bot_970_100

Казан юл хезмәткәрләре тәүлек буе эшләү режимына күчәләр

Синоптиклар юеш кар һәм яңгырдан тыш, 3–4 градус салкын да булачак дип вәгъдә итә

(Казан, 9 ноябрь, «Татар-информ», Ирина Игнатьева). Кышын урамнарны тәртиптә тотучы Казанның 19 подряд оешмасы тышкы төзекләндерү комитеты рәисе Роза Җаббарова имзалаган телефонограмма алачак. Бу хакта “Татар-информ” мәгълүмат агентлыгына шәһәр башкарма комитетының тышкы төзекләндерү комитетында белдерделәр.
Телефонограммада бүген һава шартлары көн дәвамында начарланачак диелгән. Синоптиклар юеш кар һәм яңгырдан тыш, 3–4 градус салкын да булачак дип вәгъдә итә. Моның белән бәйле рәвештә подряд оешмалар шәһәр урамнарында тәүлек буе кизү торуны оештырырга тиеш. Карны вакытында чистарту зарур. Юлдагы бозлавыкка каршы көрәшү максатыннан оператив рәвештә бозлавыкка каршы материал белән эшкәртергә кирәк. Юлларда даими рәвештә кардан арындыручы махсус техника булырга тиеш.

news_right_column_1_240_400
news_right_column_2_240_400
news_bot_970_100