Казан югары уку йортларында Ватан Геройлары көненә багышланган очрашулар циклы уза
1-10 декабрьдә Казан университетларында батырлык һәм фидакарьлек күрсәткән кешеләр белән очрашулар уза. Чаралар 9 декабрьдә билгеләп үтелә торган Ватан Геройлары көненә багышланган.
Меңнән артык 1-3 курс студенты Эчке эшләр министрлыгының Татарстан идарәсе вәкилләре, хәрби инструкторлар, террорчылыкка каршы эшчәнлек өлкәсендә белгечләр, психологлар, ветераннар һәм махсус хәрби операция катнашучылары белән очрашкан.
Фотоны чараны оештыручылар тәкъдим итте
Цикл 10-11 декабрьдә Бәшир Рәмиев исемендәге ИТ-паркта узачак республика форумындагы акция белән дәвам итәчәк.
Ватан Геройлары көненә багышланган чараларны Татарстан Республикасында Террорчылыкка каршы комиссия аппараты һәм Татарстан Республикасы Яшьләр эшләре министрлыгы ярдәмендә «Татарстан Республикасы иҗади яшьләр академиясе» төбәк иҗтимагый оешмасы оештыра.