Мәдәният 5 гыйнвар 2017 19:55

Казан язучысы Гүзәл Яхина яңа тарихи роман яза

Язучы үз китабы турында нинди дә булса фикер әйткән кешеләргә, шул исәптән, уңай фикер әйтмәүчеләргә дә, рәхмәтен җиткерде.

Скопировать ссылку

(Казан, 5 гыйнвар, «Татар-информ», Рузилә Мөхәммәтова). Казан язучысы Гүзәл Яхина яңа тарихи китап яза.Бу хакта ул "Татар-информ" хәбәрчесенә белдерде.

“Яңа китабым тарихи роман булачак. Бу мине күптән борчыган тема. Ул язылып тәмамлансын һәм нәшрият өчен дә, укучы өчен дә кызыклы булсын иде”, диде ул һәм алдагы планнарын ачарга теләмәвен әйтте.

Россия күләмендә киң танылган һәм Татарстанда шау-шулы кабул ителгән “Зөләйха күзләрен ача” романы авторы Гүзәл Яхина үз әсәренә фикер төрлелеген шәрехләп: “Мин үз эшемне эшләдем – романымны яздым. Ул басылып чыкты. Тәнкыйтьчеләр белән минем арада диалог күз алдында тотылмый”, диде. Язучы үз китабы турында нинди дә булса фикер әйткән кешеләргә, шул исәптән, уңай фикер әйтмәүчеләргә дә, рәхмәтен җиткерде.

Гүзәл Яхина үзен Казан язучысы дип атауларын тели. “Татар-информ” хәбәрчесенә ул шулай дип белдерде.

#Гүзәл Яхина #“Зөләйха күзләрен ача”

Сәхифәләр

Казан язучысы Гүзәл Яхина яңа тарихи роман яза