Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казан яшьләре вузара фестивальның Гала-концертына әзерләнә
«Беренче курс студенты көне-2009»ның соңгы чарасы быел «Пирамида»да була
(Казан, 9 декабрь, «Татар-информ», Миләүшә Низаметдинова). 21 декабрьдә «Пирамида» мәдәни-күңел ачу комплексында «Беренче курс студенты көне-2009» XVI Казан вузара фестиваленың йомгаклау концерты уздырылачак. Фестивальга сайлап алу турлары исә 3, 4, 5 декабрь көннәрендә А.Гайдар исемендәге Казан яшьләр үзәгендә үткәрелгән иде.
1994 елдан старт алган студентлар фестиваленда башта 200дән артык студент катнашкан булса, әйтик, былтыр Татарстан башкаласының 22 югары уку йортыннан 10 меңнән артык беренче курс студенты фестиваль рухы белән яшәп алды (билгеле, моңа сайлап алу турлары да керә).
Казан шәһәре мэриясе, шәһәр Башкарма комитетының балалар һәм яшьләр эшләре буенча комитеты, Казан шәһәре югары уку йортлары студент клублары белән эшләү буенча үзәге тарафыннан ел да үткәрелә торган мондый фестиваль студентлар арасында сәләтлеләрне күреп сайлап алуны, укучы яшьләрнең иҗат активлыгын үстерүне, аларның иҗатлары тирәсенә теләктәшләрен туплауны һәм студентлар коллективларын зур сәхнәгә чыгару системасын булдыруны максат итә. Бу мәсьәләдә шәһәр мэриясеннән алынган мәгълүматта әйтелгәнчә, Казанның шундый фестиваленда җиңеп чыгып, соңыннан ил һәм халыкара дәрәҗәдәге зур чараларда лауреат исеме алган «Зө-ләй-лә» һәм «JukeBox» триолары, «Пантера» камера балеты, «Мгновение» бию театры һәм кайбер аерым башкаручылар билгеле.
Кызыклы яңалыкларны күзәтеп бару өчен Телеграм-каналга язылыгыз