Казан янында йөк машинасы юл читенә төшеп капланган
Башлангыч мәгълүматлар буенча, юл-транспорт һәлакәте бүген иртән Мамадыш трактында килеп чыккан.
Скопировать ссылку
(Казан, 28 сентябрь, "Татар-информ"). Казан янында зур йөк машинасы юл читенә төшеп капланган. Авария урыннан фотоларны шаһитлар социаль челтәрләргә урнаштырды.
Башлангыч мәгълүматлар буенча, бүген иртән Казан янында Мамадыш трактында “Ивеко” йөк машинасы йөртүчесе идарәне югалтып, юл читенә төшеп киткән. Авария нәтиҗәсендә берничә тонна авырлыктагы машина ян кырыена ауган.
Фотодан күренгәнчә, бәрелү нәтиҗәсендә йөк машинасының кузовына зыян килгән һәм алгы тәрәзәсе ватылган.
Юл-транспорт һәлакәтенең сәбәпләре ачыклана.