Казан янында КАМАЗ юл читенә төшеп киткән һәм әйләнеп капланган, йөртүчесе һәлак булган
Скопировать ссылку
Казан янында КАМАЗ автомобиле катнашында кеше үлеменә китергән авария булган, фураның йөртүчесе һәлак булган. Бу хакта «Татар-информ» агентлыгына юл һәлакәтенең шаһитләре хәбәр итте.
Фото: © шаһитләр
Фаҗига төн урталарында Чистай-Казан автомобиль юлының 16нчы километрында булган. КАМАЗ автомобиленең йөртүчесе, идарәсен югалтып, юл читенә төшеп киткән. Нәтиҗәдә, машина әйләнеп капланган.
Шаһитләр әйтүенчә, ашыгыч хезмәт вәкилләре автомобильнең ишеген каерып ачкан. Йөртүчесе һәлак булган.