Казан янында фура белән бәрелешкән внедорожник шоферы һәлакәт урынында үлгән
Бүген кичке сәгать дүртенче яртылар тирәсендә Крутушка борылышы янында үлем белән тәмамланган юл-транспорт һәлакәте булган.
Скопировать ссылку
(Казан, 14 декабрь, «Татар-информ»). Казан янында фура белән бәрелешкәннән соң внедорожник шоферы һәлак булган. Бу хакта «Татар-информ»га Татарстан Эчке эшләр министрлыгының матбугат хезмәтендә сөйләделәр.
Бүген кичке сәгать дүртенче яртылар тирәсендә Крутушка борылышыннан ерак түгел Казан — Әлдермеш автомобиль юлында авария булган. Башлангыч мәгълүматларга караганда, «Ниссан» внедорожнигы каршы хәрәкәт юлына чыгып, «МАН» фурасы белән бәрелешкән.
«Ниссан» шоферы алган җәрәхәтләрдән һәлакәт урынында вафат булган.