Казан янында автобус белән булган юл һәлакәтендә биш кеше зыян күргән
Скопировать ссылку
Юл-транспорт һәлакәте бүген иртән Яшел Үзән – Казан трассасында Үрнәк бистәсе каршында булды, дип сөйләделәр республика Дәүләт автоинспекциясендә.
Башлангыч мәгълүматларга караганда, автобус алдыннан барган җиңел машина җәяүлене үткәреп җибәрү өчен кинәт туктарга мәҗбүр булган. Автобус йөртүчесе бәрелешне булдырмас өчен рульне уңга бора һәм җәяүлеләр өчен җир өсте кичүенең металл конструкциясенә бәрелә.
«Юл-транспорт һәлакәте вакытында автобус салонында 35 пассажир булган, аларның бишесе җәрәхәтләнгән», - дип аңлаттылар ЮХИДИдә.