Казан янында авариядә ике кеше һәлак булган
Скопировать ссылку
Республика Дәүләт автомобиль инспекциясе Казан янында аэропорт юнәлешендәге трассада бүген иртән булган юл-транспорт фаҗигасе турында хәбәр итте.
Якынча мәгълүматлар буенча, KIA машинасы аэропорт ягыннан килгән, каршы як полосага чыккан һәм Isuzu фургоны белән кара-каршы бәрелешкән. Бәрелүдән җиңел машина кюветка төшеп киткән.
Фото: © Дәүләт автомобиль инспекциясе
Җиңел машина такси – авария урынында такси шашкалары табылган, ә автомобильдә газ җайланмасы урнаштырылган булган.
Фото: © Дәүләт автомобиль инспекциясе
Җиңел машинадагы ике кеше һәлак булган. Моннан тыш, фургон йөртүчесе имгәнгән. Фаҗига урынында автоинспекторлар эшли, авариянең сәбәпләре ачыклана.
Фото: © Дәүләт автомобиль инспекциясе